Saturday, June 18, 2011

AKIN 'TO, PAG-AARI KO 'TO!

          "Happy Father's Day!"  Batiin ko ba ang sarili ko?  Hahaha!
            Hindi para sabihin ko sa sarili kong napakadakila kong ama sa aking mga anak.  Ang makapagsasabi niyan ay ang mga anak ko.  Kaso, ang babata pa ng mga daughters ko--sina Ten, Eight, Four at Two--para isulat nila sa blog nang mahabaan kung paano nila ide-describe ang kanilang ama.
          Sa 'kin siguro, dahil bata pa sila at mahihiyain, sapat na sa akin ang mga katagang, "I love you, daddy!" kahit wala nang tse-tse buretse.  'Yun na 'yon.  Apat na salitang musika na sa tenga ko.
           'Yung iba siguro--hindi ko maiaalis--nawiwirduhan sa "pinasok" kong bonggang experience na maging isang ama sa kabila ng aking kasarian.  Kasi nga, hindi karaniwan ang tatay nina Ten, Eight, Four at Two, eh.  
          Actually,  kung susumahin ko 'yung  pagtataka ng ibang tao at mga tanong na nae-encounter ko,  parang hindi sila makapaniwalang nagkaroon ako ng biological kids.  
       At apat pa, ha?  
      Kung nagtataka sila, eh siguro nga, it's not my problem anymore. It's their problem anymore, di ba?
          Ordinaryo na lang sa pandinig ko ang mga tanong na, "Totoo, me anak ka?  As in ano...ah...ikaw 'yung umano sa babae?"
         "Baka anak ng boypren mo 'yan?"
         "Nag-ampon ka?"
         Na pag nakikita pa ang mga anak kong kasama ko, "Mga pamangkin mo?"
        Imbes na mainis ako dahil nga lagi na lang gano'n ang naririnig ko, tinatapunan ko na lang ng ngiti.  Ako rin ang talo pag napikon ako o nainsulto ako sa mga pang-uusig ng mga mata nila na parang hindi yata talaga nila maimadyin na "titigasan" ako sa babae.
      Kulang na lang na sabihin kong, "Gusto n'yo ba, mag-sex kami ng misis ko sa harap n'yo para maniwala lang kayo?"
      Pero gusto ko na lang isiping kaya gano'n na lang sila kawalang prenong magsalita eh dahil baka iniisip nilang porke komedyante ako eh dyino-joke ko lang silang may anak ako. 
      Ewan ko ba sa mga 'yon.  As if naman, kung makapang-usig, akala mo, sinusustentuhan nila 'ko monthly.
        Lagi ko ngang sinasabi, "Aanhin ko naman 'tong sandatang ipinagkaloob ni Lord kung hindi ko naman ipapasok sa tamang butas?"  Eh, may nagkagustong babae sa pagmumukhang ito, I can't help it, eh. Chos.  Hahaha!
       But seriously, naniniwala ako-- ito ang guhit ng aking palad.
        "Ba't me anak ka? Di ba, bading ka?"
        "O, eh baket? Ba't naman hindi puwede? Baog ba 'ko?  'Yung iba nga, ni fetus, hindi biniyayaan, choosy pa ba 'ko?"
       Bigla ko tuloy naalala 'yung isang bading na tv host-comedian. Napadaan ako sa dressing room niya noon bitbit ko ang panganay kong anak na 3 years old pa lang no'n, "Anak mo?"
       Proud ko pang sinagot na, "Oo!"
       Na ang next line niya, "Kadiri ka, Ogie! Tomboy ka!"
      Hindi ko na siya binara pa.  Not in front of my kid. Baka hindi nito maintindihan kumba't makikipagtarayan ang tatay niya.  Sa loob-loob ko, "Inggit ka lang, teh!  Gandang-ganda ka sa sarili mo eh di i-maintain mo 'yang ganda mo hanggang ma-realize mo kung ano ang kulang sa ganda mo!"


       SA TOTOO LANG NAMAN, eto talaga ang ordinaryong kuwento ng isang bading.
       Na nu'ng bata pa ang bading, hate sa bahay.  Malas daw.  Parang kahihiyan sa pamilya.  Pero nu'ng lumaki na, nagkaisip, nagkatrabaho at umasenso, deadma na ang laos na paniniwala ng mga kapamilya.
      Ay, hindi pala malas.  Suwerte nga, dahil tumutulong at kung minsan ay siya pa ang breadwinner ng pamilya.  Buti nga at naging bading, dahil kung naging tunay na barako, matutulad sa ibang kapatid na mag-aasawa at hihiwalay din sa magulang. 
     Eh, ang bading, ang daling makalimot niyan ng mapait na karanasan nila nu'ng bata pa sila, eh.  Ginagawa nilang inspirasyon at motivation 'yan para lumaban at magtagumpay sa buhay.  Noon, sila daw 'yung malas, pero biglang nabaligtad. Sila pala itong umaasensong madalas at hindi iniiwan ang mga magulang.
       Kalokah, di ba?
       Karaniwan na ring kuwento 'yung madalas inaaway ng mga kapatid ang bading nu'ng bata pa, pero kalaunan, bading rin pala ang tutulong sa kapatid at sa mga anak nitong hindi mapagtapos ng pag-aaral ng mga magulang.
       Alam kong hindi makaka-relate 'yung ibang bading sa kuwentong ito, dahil hindi ganito ang naging takbo ng kabataan nila nu'ng araw.  Puwedeng mas malala pa rito o kabaligtaran. Puwedeng "prinsesa" ang naging trato sa kanya nu'ng araw ng pamilya niya. 
        Ako naman, sa totoo lang, nu'ng wala pa 'kong sariling pamilya, super tulong ako sa nanay ko, sa mga kapatid ko at sa mga anak nila.  Ginawa kong obligasyon 'yon, kaya kayod-marino ako. Na kahit barya basta galing sa marangal, papatulan ko para lang pag nangailangan sila, meron akong madudukot para sa kanila.
      Pero feeling ko, hindi natatapos ang obligasyon ko, eh.  Nag-aaral pa 'yung ibang pamangkin mo, magkakapamangkin ka na naman.  Pag ganito nang ganito, feeling ko, this is another job for Superman na naman ang drama ko.
       Kaya nu'ng mga beinte anyos ako (1990), in-entertain ko talaga ang idea na, ah, kailangan, pagtuntong ko ng treinta, may anak na 'ko.  Anak talaga.  Produkto ng semilya ko. Hindi anak ng kapatid ko na ituturing ko lang na anak-anakan, pero hindi ko pa rin pag-aari.
        Ni hindi ko rin in-entertain ang idea na mag-ampon, dahil ang dami ko ngang pamangkin, ba't ako mag-a-adopt?  Eh, di sila na lang din ang "ampunin" ko.
        Puwera na lang siguro kung cinematic ang pag-aampon ko ng di-kaanu-ano like pagbukas ko ng gate ng bahay ko, me batang nasa basket o nasa bayong at uha nang uha.  'Yun ang exciting para sa akin.
       Pero sabi ko nga, ang mga pamangkin ko, kahit tulungan kong makatapos ng pag-aaral hanggang sa makapagtrabaho,  matutuwa ako definitely.  Pero ayokong dumating ang time na dahil nag-iisa na ako sa buhay ay hindi man lang ako mabantayan ng pamangkin ko sa aking pag-iisa at kalungkutan, dahil meron na rin silang sariling buhay at pamilya.
       Ayokong ma-experience 'yong nae-experience ng ibang kaibigan kong bading na umiiyak na lang. 'Yung isa, naghirap. Humihingi ng tulong sa pinag-aral na kapatid, pero tinanggihan siya. 
      'Yung isa nama'y makikituloy lang sa bahay ng pamangking pinagtapos niya ng pag-aaral, pero hindi naipaglaban sa misis nito ang sandaling panunuluyan ng tiyuhing bading.
      Ini-imagine ko pa lang, ang sakit na.  What more kung sa akin pa 'to mangyari?  Baka ikamatay ko pa.  Ba't ko pa hihintayin ang eksenang 'yon? Eh, di gawa ako ng akin.  
      At sa edad treinta'y uno, isa na akong ganap na ama. 
      At ngayon, ang apat kong anak at ang kanilang ina.  Sila.  Sila 'yung matatawag kong akin. Pag-aari ko na hindi puwedeng angkinin ng iba, dahil akin. 
      Ang mga anak ko ang mga itinuturing kong "buhay na monumento ko" pag ako'y nabura na sa mundo.  Sila 'yung magpapaalala sa mga tao na, "Anak po ako ni Ogie Diaz." (Pero 'wag Mo muna akong kunin, Lord, ha?  Sampol lang po ito.)
      Matagal na akong "nagtatanim" sa mga kaibigan ng mabuting pakikisama at pakikipagkapwa-tao, dahil hindi ko man "anihin" 'yan ngayon, darating ang panahong mga anak ko ang aani ng lahat ng itinanim ko.
      Tandang-tanda ko noon si Kuya Boy Abunda, kausap ko.  Bilib na bilib ako sa ganda ng takbo ng career niya. Sabi ko, "Juice ko, ang yaman-yaman mo na, Kuya Boy.  Ang bait mo rin kasi, kaya you're so blessed! Naiinggit ako sa 'yo!"
      Sagot ni Kuya Boy, "'Mas nakakainggit ka, Ogs.  You're more blessed.  You have kids! Hindi ko kaya 'yan!"
      And that's the bottomline.
        
        

31 comments:

  1. Ang ganda po ng mga entries niyo. Nakakainspire po. Salamat po :) Masuwerte po ang mga anak ninyo sa isang ama na katulad niyo po. Mabuhay po!

    ReplyDelete
  2. Si Vice Ganda yung tv host comedian? Ang daming "ganda" sa sinabi mo eh.

    ReplyDelete
  3. kung may like button lang sa blogger, ni-like ko na 'tong post mo. inspiring!

    ReplyDelete
  4. You had me at 'that's the bottomline'. Please read my blog at www.joanchristabellaude.blogspot.com. You inspired me to blog po.

    ReplyDelete
  5. Si John Lapus siguro. Di pa naman tv host/comedian si Vice 6 years ago.

    ReplyDelete
  6. That's the bottomline! God bless you more!

    ReplyDelete
  7. Judge not how a man appears but what's in his heart and is capable of doing. HAPPY FATHER'S DAY mama Ogs! :)

    ReplyDelete
  8. Happy Father's Day, Ogs! Boy Abunda said it: you are truly blessed.

    ReplyDelete
  9. happy father's day!!!!!you are amazing and truly blessed....

    ReplyDelete
  10. happy father's day!!! indeed you made the right choice(s) in your life. reading this particular entry, napa-isip ako tuloy. nope, i am not gay. napa relate lang ako kasi i am still single and like you, madami din akong mga pamankin. pero tama ka, iba ang sariling anak.

    ReplyDelete
  11. Superlike ogs! Happy fathers day!

    ReplyDelete
  12. happy fathers day ogs, pang MMK buhay mo hehehe... have a blessed fathers day to you! more child to come!

    ReplyDelete
  13. HAPPY FATHERS DAY PO SIR OGIE...
    Salamat po sa inyong mensahe, napakaganda po at talagang kapupulutan ng aral...Ako po ay SALUDO sa inyong mga nakamtan...nawa ay pagpalain po kayo at ang INYONG pamilya ng PANGINOON...Smile...you've done a great deed sir....

    ReplyDelete
  14. salamat po kung na-inspire ko kayo, lalo na ang mga "kafatid" diyan. Hindi ko po kayo hinihikayat gumawa ng sarili, ha? nai-share ko lang po yung experience ko. hehehe.

    ReplyDelete
  15. we all have choices and that's your choice. kutsain ka man ng kutsain ng kung sinu sinong tao, kung alam mo naman ang mga taong mahahalaga sayo at mga mahal mo ay nandiyan, 100% na susuportahan, care sa ibang tao. and that's the spirit, mama ogz! keep up the good work. happy father's day. today is your day, enjoy it with your family...

    ReplyDelete
  16. Yun na yun, iba talaga kapag meron kang SA IYO talaga. You are truly blessed because you also shre your blessings to your loved ones. Happy Fathers Day po and ipagppray kita na dumami pa ang blessings mo, love, faith, strength mo para sa pamilya mo. Godbless you.

    ReplyDelete
  17. Mswerte ang mga anak nyo dhil mahal na mahal nyo sila at tama po kayo ok lang na maging bading kesa naman yung iba dyan na mga lalaki na pag may naaanakan eh hindi pinapanagutan ,tapos kung mag kapamilya naman eh puro bisyo ang inaatupag at hindi buhayin ng maayos ang pamilya

    ReplyDelete
  18. Taray! Sarap mo siguro maging Tatay. And that's the bottomline. :)

    Mabuhay ka, Ogie!

    ReplyDelete
  19. Salute talaga ako sa mga kwento mo Ogz, Happy Father's Day :)

    ReplyDelete
  20. My friends and I were talking about you during lunch. Tama nga si Boy Abunda. :)

    ReplyDelete
  21. Very well said. Nice nice nice mr. ogie diaz. Congratulations for being a good father.

    ReplyDelete
  22. so cool!! I admire you Ogie Diaz. :)

    ReplyDelete
  23. Ang galing nyo idol ogie...keep it up!

    ReplyDelete
  24. Saludo ako sa prinsipyo mo, at tama ka mas maganda may sariling anak para sa pagtanda mo ay may kasama ka pa rin. Pero mas saludo rin ako sa misis mo kasi tinaggap ka niya kahit bading ka hehehe

    ReplyDelete
  25. You're lucky to have your wife, Ogie. :)

    -Janey
    http://dateagirlwhowrites.blogspot.com/

    ReplyDelete
  26. Salaudo ako sa iyo.. at sa content ng blog na ito.. ;p

    ReplyDelete
  27. palagi talaga akong nag aabang sa mga bago nyong post kuya ogie,keep it up po:)



    http://www.dataentryjobs.us/33005.html ...thank u!

    ReplyDelete
  28. Super duper ganda po ng blog post nyo!. Hanga na hanga po ako sa inyo. Maswerte yong mga anak mo dahil meron silang isang ama na super duper mapagmahal. So proud of you po Mr. Ogie. The best po kayo.:))...

    ReplyDelete
  29. hello

    try to read this blog baka magustuhan ninyo din po

    http://diaryofagirlwhosinlovewithagay.blogspot.com/


    sana .. hihihih
    God Bless ^___^

    ReplyDelete